کراچی میں سردی کی شدید لہر، پارہ سنگل ڈیجٹ تک گر گیا

کراچی( اباسین خبر)شہر قائد میں سردی کی لہر برقرار ہے، پارہ 9 ڈگری سینٹی گریڈ تک گر گیا۔محکمہ موسمیات کے مطابق کراچی کا موسم سرد اور خشک ہے، کم سے کم درجہ حرارت 9 ڈگری سینٹی گریڈ ریکارڈ کیا گیا۔ آج زیادہ سے زیادہ درجہ حرارت 25 سے 27 ڈگری سینٹی گریڈ تک رہنے کا امکان ہے۔موسم کے ماہرین کے مطابق شمال مشرقی سمت سے سرد ہوائیں 4 کلومیٹر فی گھنٹہ کی رفتار سے چل رہی ہیں، اور ہوا میں نمی کا تناسب 63 فیصد ریکارڈ کیا گیا ہے۔