سکھر؛ پولیس موبائل کو خطرناک حادثہ، 2 اہلکار جاں بحق، 5 افراد شدید زخمی

سکھر( اباسین خبر)سکھر کے علاقے تھانہ آباد کی حدود میں پولیس موبائل کو خطرناک حادثہ پیش آیا، جس کے نتیجے میں 2 پولیس اہلکار جاں بحق اور 5 افراد شدید زخمی ہو گئے۔سی آئی اے انچارج ایاز کھوڑو کے مطابق، جعفرآباد لنک روڈ پر مشتبہ گاڑی کا پیچھا کرتے ہوئے پولیس موبائل وین درخت سے ٹکرا گئی۔ حادثے کے نتیجے میں دو پولیس اہلکار اشفاق شیخ اور عامر شیخ زمین پر گر کر جاں بحق ہو گئے۔پولیس کے مطابق، گاڑی کا ڈرائیور سمیت دیگر افراد بھی زخمی ہوئے ہیں، جنہیں فوری طور پر رینجرز اسپتال منتقل کر دیا گیا۔