دنیا کے امیر ترین شخص ایلون مسک نے اپنا ‘نام’ تبدیل کر لیا

ٹیکساس( مانیٹرنگ ڈیسک)ایلون مسک، جو ٹیسلا، سپیس ایکس اور ٹوئٹر (اب ایکس) جیسی معروف کمپنیوں کے مالک ہیں، نے عارضی طور پر اپنا ‘نام’ تبدیل کر لیا ہے۔مسک نے سماجی رابطے کی ویب سائٹ ایکس پر اپنا نام تبدیل کر کے “Kekius Maximus” کر لیا، جس نے مختلف قیاس آرائیوں کو جنم دیا ہے۔ “Kekius” لفظ ممکنہ طور پر “kek” سے آیا ہے، جو آن لائن گیمنگ کلچر میں زور سے ہنسنے کے مترادف سمجھا جاتا ہے۔ تاہم، یہ لفظ اب دائیں بازو کے انتہا پسند نظریات سے بھی جڑا ہوا ہے۔مزید برآں، “Kek” قدیم مصری دیوتا کا بھی نام ہے، جو اندھیرے کا دیوتا سمجھا جاتا ہے، اور اسے بعض اوقات مینڈک کے سر کے ساتھ دکھایا جاتا ہے۔ایلون مسک نے اپنے اس نام کی تبدیلی کی کوئی وضاحت فراہم نہیں کی، جس کی وجہ سے اس اقدام پر مختلف مفروضے قائم کیے جا رہے ہیں۔