ٹائم آؤٹ ہونے والے بلے باز کو واپس بلانے پر بنگلہ دیشی کھلاڑی کی تعریفیں

لاہور( سپورٹس ڈیسک)چٹاگانگ کنگز کے کپتان محمد مٹھن نے اپنے مخالف کپتان مہدی حسن میراز کی تعریف کی، جنہوں نے ٹام او کونل کو آٹ ہونے کے باوجود واپس بلایا۔ یہ واقعہ بنگلہ دیش پریمئر لیگ (بی پی ایل) کے ایک میچ میں پیش آیا جب چٹاگانگ کنگز کو کھلنا ٹائیگرز کے دیے گئے 204 رنز کے ہدف کے تعاقب میں مشکل پیش آئی۔ٹام او کونل بیٹنگ کے لیے میدان میں آئے، لیکن 3 منٹ کی تاخیر کے بعد، مہدی حسن میراز نے امپائر کے پاس جا کر تاخیر کی شکایت کی۔ اس پر امپائرز نے او کونل کو آٹ قرار دیا، لیکن مہدی حسن میراز نے انہیں واپس بلایا۔ محمد مٹھن نے کہا کہ یہ فیصلہ بالکل درست تھا اور تسلیم کیا کہ او کونل کو تیاری کے لیے زیادہ وقت نہیں ملا تھا۔مٹھن نے مزید کہا کہ مہدی حسن میراز نے عظیم کام کیا اور اس نے فیلڈنگ سائیڈ کی طرف سے اصولوں کے مطابق اپیل کرنے کے باوجود او کونل کو واپس بلانے کا فیصلہ کیا، جس سے اس کا دل بڑا دکھائی دیا۔ تاہم، او کونل جلد ہی محمد نواز کی گیند پر گولڈن ڈک پر آٹ ہوئے اور چٹاگانگ کنگز کو 37 رنز سے شکست کا سامنا کرنا پڑا۔