واشنگٹن( مانیٹرنگ ڈیسک) سابق امریکی صدر جمی کارٹر 100 سال کی عمر میں انتقال کر گئے۔ غیر ملکی میڈیا رپورٹس کے مطابق، جمی کارٹر طویل عرصے سے علیل تھے اور ان کا انتقال جارجیا میں اپنے گھر پر ہوا۔ جمی کارٹر 1977 سے 1981 تک امریکا کے صدر رہے اور اپنی سیاسی زندگی میں امن کے لیے عالمی کوششوں پر شہرت حاصل کی۔انہیں امن کے لیے ان کی خدمات پر نوبیل انعام سے بھی نوازا گیا تھا، خاص طور پر اسرائیل اور مصر کے درمیان امن کے لیے کی جانے والی ثالثی کے لیے۔امریکی صدر جوبائیڈن نے جمی کارٹر کے انتقال پر سوگ کا اعلان کرتے ہوئے کہا کہ امریکا اور دنیا نے ایک غیر معمولی رہنما، سیاست دان اور انسان دوست کو کھو دیا ہے۔ بائیڈن نے مزید کہا کہ جمی کارٹر کی شخصیت اصول، ایمان اور انسان دوستی کی علامت تھی۔ جمی کارٹر کی تدفین سرکاری اعزاز کے ساتھ کی جائے گی، اور امریکی پرچم سرنگوں کر دیا گیا ہے۔
سابق امریکی صدرجمی کارٹر 100 سال کی عمر میں انتقال کرگئے
6
