8
مظفر آباد( اباسین خبر)ملک بھر میں سردی کی شدت میں اضافہ، بالائی علاقوں میں برفباری سے نظام زندگی متاثر۔آزاد کشمیر کے بالائی علاقوں میں وقفے وقفے سے برفباری جاری ہے، پہاڑوں پر دو فٹ سے زائد برف پڑنے سے سردی کی شدت بڑھ گئی۔ گلگت بلتستان کے ضلع استور سمیت خیبر پختونخوا کے بابوسر ٹاپ، نانگا پربت اور بٹو گاہ میں بھی برفباری سے معمولات زندگی متاثر ہو گئے۔بلوچستان کے کوئٹہ، قلات، چمن، قلعہ عبداللہ، پشین اور زیارت میں شدید سردی کے باعث پانی پائپوں میں جم گیا، جبکہ لاہور سمیت پنجاب کے مختلف شہروں میں بھی سردی کی لہر برقرار ہے۔گلگت اسکردو روڈ پہاڑی تودہ گرنے سے بند ہو گئی، جبکہ کراچی میں درجہ حرارت 11 ڈگری سینٹی گریڈ تک گرنے سے سردی کی آمد کا اعلان ہو گیا۔
