ملک بھر میں سردی کی شدت میں اضافہ، اسلام آباد میں پارہ منفی ایک ڈگری تک گر گیا

اسلام آباد( اباسین خبر)ملک بھر میں سردی کی شدت میں اضافہ، وفاقی دارالحکومت اسلام آباد میں پارہ منفی ایک ڈگری تک گر گیا۔لہہ میں پارہ منفی تیرہ، سکردو اور گوپس میں منفی سات، کالام اور قلات میں منفی چھ ریکارڈ کیا گیا۔ بلوچستان کے بیشتر علاقوں میں شدید سردی کی لہر برقرار رہی، جبکہ کوئٹہ میں پارہ منفی پانچ تک گر گیا۔وادی شگر میں موسم سرما کی پہلی برفباری ہوئی۔ استور اور دیگر علاقوں کا برفباری کے باعث بالائی علاقوں سے رابطہ منقطع ہوگیا۔ گلگت بلتستان، بالائی خیبرپختونخوا، کشمیر اور ملحقہ پہاڑی علاقوں میں ہلکی بارش اور برفباری کا مزید امکان ہے۔