7
راولپنڈی (اباسین خبر)موٹروے ایم ٹو پر کلر کہار کے قریب مسافر بس حادثے کا شکار ہوگئی جس میں پانچ افراد جاں بحق اور 17 زخمی ہوگئے ہیں۔ زخمیوں میں سے چار کی حالت تشویشناک ہے۔حکام کے مطابق، راولپنڈی سے وہاڑی جانے والی مسافر بس کلر کہار پہنچتے ہی ڈرائیور کے بے قابو ہونے سے الٹ گئی۔ بس میں 30 سے زائد مسافر سوار تھے۔حادثے کے فورا بعد ریسکیو 1122 اور موٹروے پولیس موقع پر پہنچے اور امدادی کارروائیاں شروع کیں۔ زخمیوں کو ابتدائی طبی امداد فراہم کرنے کے بعد قریبی اسپتال منتقل کیا گیا، جبکہ جاں بحق افراد کی لاشوں کو ٹراما سینٹر کلر کہار منتقل کیا گیا۔موٹروے پولیس نے حادثے کے مقام کو محفوظ کر لیا ہے اور ابتدائی تحقیقات کے مطابق حادثہ ڈرائیور کی غفلت اور لاپرواہی کے باعث پیش آیا ہے۔ تاہم، حتمی تحقیقات جاری ہیں۔
