4
پشاور( اباسین خبر)خیبرپختونخوا کے ضلع ڈی آئی خان کے علاقے لوئر کرم میں مسلسل دہشت گردی کے بڑھتے واقعات کے پیش نظر آپریشن کرنے کا فیصلہ کیا گیا ہے، جس کے نتیجے میں علاقہ مکینوں نے نقل مکانی شروع کر دی ہے۔رپورٹ کے مطابق، آپریشن کی تیاری کے دوران چار خیل، ڈا ڈکمر، مندوری اور اوچھت میں سینیٹائزیشن کا فیصلہ کیا گیا ہے۔ ضلعی انتظامیہ کے مطابق تقریبا 178 گھرانے علاقے چھوڑ چکے ہیں، اور نقل مکانی کرنے والوں کے لیے ہنگو میں کیمپ قائم کیے گئے ہیں۔ زیادہ تر لوگ کوہاٹ، ہنگو، دوابہ اور پشاور سمیت صوبے کے دیگر علاقوں کی طرف جا رہے ہیں۔ذرائع کے مطابق، آپریشن کا فیصلہ لوئر کرم، بگن، مندوری اور اوچھت میں دہشت گردوں کی مسلسل کارروائیوں کے بعد کیا گیا ہے، جہاں گزشتہ تین مہینوں میں متعدد دہشت گرد حملے ہوئے ہیں۔
