دہشت گردی سنگین چیلنج بن چکی ہم آخری دہشتگرد کے خاتمے تک ان کا پیچھا کرینگے:وزیراعظم

اسلام آباد( اباسین خبر)وزیراعظم شہباز شریف نے کہا ہے کہ پوری قوم دہشت گردی کے خلاف متحد ہے اور ہم اس ناسور کو ہر صورت شکست دیں گے۔ قومی سلامتی کمیٹی کے اجلاس میں خطاب کرتے ہوئے وزیراعظم نے بلوچستان اور خیبر پختونخوا میں سکیورٹی صورتحال پر تشویش کا اظہار کیا۔انہوں نے کہا کہ دہشت گردی کے خلاف جنگ میں سکیورٹی فورسز کی قربانیاں بے شمار ہیں اور ان کی قربانیوں کو خراج عقیدت پیش کرتا ہوں۔ وزیراعظم نے مزید کہا کہ دہشت گردی ملک کے لیے سنگین چیلنج بن چکی ہے، اور ہم آخری دہشت گرد کے خاتمے تک ان کا پیچھا کریں گے۔