تباہی کے بڑے منصوبے نا کام ، دہشتگردوں کی تین مقامات پر حملے کی کو شش، پولیس کی جوابی کارروائی نے حملہ پسپا کر دیا

پشاور( اباسین خبر)پشاور میں دہشت گردوں کے تین حملے ناکام خیبرپختونخوا کے مختلف علاقوں میں دہشت گردوں کی جانب سے کیے گئے تین حملے پولیس کی بروقت کارروائی سے ناکام بنا دیے گئے۔ لکی مروت کے تھانہ گمبیلا پر 10 سے 15 مسلح دہشت گردوں نے حملہ کرنے کی کوشش کی تاہم پولیس کی جوابی کارروائی نے حملہ پسپا کر دیا۔ ڈی پی او لکی مروت جواد اسحاق نے بتایا کہ پولیس نے بروقت کارروائی کے ذریعے بڑے حملے کو ناکام بنایا، اور حملہ آور بھاری ہتھیاروں کی مدد سے فرار ہو گئے۔پشاور میں پولیس چوکی ملازئی پر دہشت گردوں نے دستی بم سے حملہ کیا جبکہ خیبر پولیس چوکی بائی پاس روڈ پر دہشت گردوں نے فائرنگ کی جس سے دو اہلکار زخمی ہو گئے۔ پولیس کی جوابی کارروائی میں حملہ آور زخمی ہو کر فرار ہو گئے۔ زخمی اہلکاروں کو فوری طور پر ہسپتال منتقل کر دیا گیا ہے۔ اسی دوران جمرود ایف سی چیک پوسٹ پر بھی شدت پسندوں نے حملہ کیا، تاہم ایف سی کی جوابی فائرنگ کے بعد حملہ آور اندھیرے کا فائدہ اٹھاتے ہوئے فرار ہو گئے۔