کرکٹ میچ کے دوران جنید ظفر خان کی افسوسناک مو ت، کھلاڑی افسردہ ہو گئے

آسٹریلیا ( سپورٹس ڈیسک)آسٹریلیا کے شہر ایڈیلیڈ میں مقامی کلب کرکٹر جنید ظفر خان کرکٹ میچ کے دوران اچانک چل بسے۔ آسٹریلوی میڈیا کے مطابق، جنید ظفر خان کونکورڈیا کالج اوول میں ہونے والے میچ کے دوران گر کر بے ہوش ہو گئے اور طبی امداد کے باوجود جانبر نہ ہو سکے۔جنید ظفر خان 40 سال کی عمر کے تھے اور میچ کے دوران گرمی کی شدت کا شکار ہو گئے تھے، کیونکہ میچ ہیٹ ویو کے دوران کھیلا جا رہا تھا اور اس وقت درجہ حرارت 41.7 ڈگری سینٹی گریڈ تھا۔ اولڈ کونکورڈیا کرکٹ کلب کے کھلاڑی جنید نے پہلے 40 اوورز فیلڈنگ کی اور پھر 7 اوورز بیٹنگ کی تھی۔گرانڈ میں گرنے کے بعد فوری طور پر ایمبولینس طلب کی گئی اور طبی عملے نے سی پی آر (کاردیو پولمنری ریسسٹیٹیشن) کیا، مگر وہ جانبر نہ ہو سکے۔ ان کے دوستوں نے آسٹریلوی میڈیا سے گفتگو کرتے ہوئے بتایا کہ جنید ظفر خان روزے رکھ رہے تھے، لیکن میچ کے دوران پانی پیتے ہوئے دکھائی دیے۔اولڈ کونکورڈیا کرکٹ کلب نے اپنے بیان میں کہا کہ اس واقعے سے کلب کے کھلاڑی بہت افسردہ ہیں اور پیرا میڈکس نے بہترین کوشش کی، مگر افسوس کہ وہ جنید کو بچا نہ سکے۔