پاکستان کا بھارت سے 50 ہزار ٹن چینی درآمد کرنے کا انکشاف

اسلام آباد( کامرس ڈیسک)موجودہ حکومت کی جانب سے بھارت سے 50 ہزار ٹن چینی درآمد کرنے کا انکشاف ہوا ہے۔ نجی ٹی وی کے مطابق وزیر تجارت جام کمال خان نے قومی اسمبلی میں موجودہ حکومت کے پہلے سال کے دوران درآمدی چینی کی تفصیلات پیش کیں، جس میں بتایا گیا کہ مارچ 2024 سے جنوری 2025 تک 3 ہزار 140 میٹرک ٹن چینی درآمد کی گئی، اور چینی کی درآمد پر 3 ملین ڈالرز سے زائد رقم خرچ ہوئی۔وزیر تجارت نے مزید وضاحت دی کہ چینی ملائشیا، جرمنی، تھائی لینڈ، یو اے ای، امریکا، برطانیہ، ڈنمارک، چین، فرانس، سوئٹزرلینڈ اور جنوبی کوریا سے درآمد کی گئی، اور اس کے علاوہ بھارت سے بھی 50 ہزار ٹن چینی درآمد کی گئی۔