لاہور اور پنجاب بھر میں وائرل بیماریوں کے پھیلا کا خدشہ، محکمہ صحت نے ہسپتالوں کو ہائی الرٹ کر دیا

لاہور( ہیلتھ ڈیسک)صوبائی دارالحکومت لاہور اور پنجاب بھر میں وائرل بیماریوں کے پھیلنے کا خدشہ ظاہر کیا گیا ہے۔ ڈائریکٹوریٹ جنرل آف ہیلتھ سروسز پنجاب نے مہلک بیماریوں کے پھیلا سے متعلق مراسلہ جاری کر دیا ہے۔مراسلہ میں بتایا گیا ہے کہ حالیہ دنوں میں ڈینگی، نمونیا، انفلوئنزا، خسرہ، کالی کھانسی اور نیگلیریا کے مریض رپورٹ ہونے کا امکان ہے، جس کے باعث لاہور سمیت پنجاب بھر کے تمام ہسپتالوں کو ہائی الرٹ کر دیا گیا ہے۔محکمہ صحت نے ہسپتالوں کو آگاہی بینرز اور کانٹرز نصب کرنے، ضروری ادویات کی فراہمی کو یقینی بنانے اور مریضوں کو بہترین طبی سہولت فراہم کرنے کی ہدایات دی ہیں۔ڈائریکٹر سی ڈی سی ڈاکٹر یداللہ کا کہنا ہے کہ بیماریوں کے پھیلا سے پہلے ان کی روک تھام ضروری ہے، اور ہر سال ان بیماریوں سے پنجاب میں بڑی تعداد میں لوگ متاثر ہوتے ہیں۔ انہوں نے پنجاب بھر کے تمام انتظامی افسران کو فوری اقدامات کرنے کی ہدایت بھی کی ہے۔