جنوبی وزیرستان میں کرفیو نافذ، نوٹیفکیشن جاری ، تمام راستے بند، فوج نے کنٹرول سنبھال لیا

پشاور( اباسین خبر)جنوبی وزیرستان میں کرفیو نافذ کر دیا گیا ہے۔ ضلع جنوبی وزیرستان اپر، لوئر اور ٹانک کے ڈپٹی کمشنرز نے کرفیو کے نوٹیفکیشن جاری کر دیے ہیں۔ نوٹیفکیشن کے مطابق صبح 6 سے شام 6 بجے تک تمام راستے بند رہیں گے۔ زالئی تا نیو کیڈٹ کالج وانا سڑک، تنائی، سرواکئی، جنڈولہ کاور قلعہ روڈ اور احمد وام سے کوٹکئی تک راستے بند ہوں گے۔ بی بی رغزئی سے جنڈولہ تک سڑک بھی بند کی جائے گی اور ان راستوں پر کسی قسم کی نقل و حرکت پر پابندی ہو گی۔ مسافروں کو متبادل راستے اختیار کرنے کی ہدایت کی گئی ہے۔ وانا گومل زام روڈ کھلا رہے گا۔ ٹانک میں بھی آج کرفیو نافذ ہوگا اور جنڈولہ ٹانک وانا جنوبی وزیرستان شاہراہ بند رہے گی۔