اسلام آباد( اباسین خبر)سپریم کورٹ نے قرآن پاک کی تعلیم کو لازمی قرار دینے کے معاملے میں صوبائی حکومتوں سے جواب طلب کر لیا۔جسٹس امین الدین خان کی سربراہی میں 5 رکنی بنچ نے قرآن پاک کی تعلیم کو لازمی بنانے کی درخواست پر سماعت کی۔ وفاق، پنجاب اور بلوچستان حکومتوں نے اپنے جوابات عدالت میں جمع کروا دیے، جبکہ سندھ اور خیبرپختونخوا حکومتوں نے جوابات جمع کرانے کے لیے مزید وقت طلب کیا۔جسٹس جمال مندوخیل نے ریمارکس دیے کہ وفاقی حکومت نے قرآن پاک کی تعلیم کے لیے اقدامات شروع کر دیے ہیں اور حکومت کو اپنا کام کرنے دینا چاہیے، عدالت کو مداخلت کی ضرورت نہیں۔ درخواست گزار کے وکیل انیق کھٹانہ نے کہا کہ اگر حکومتیں واقعی کام کر رہی ہوتیں تو پانچ سال سے عدالتوں میں چکر نہ لگانے پڑتے۔عدالت نے سندھ اور خیبرپختونخوا حکومتوں سے قرآن پاک کی لازمی تعلیم کے حوالے سے جواب طلب کرتے ہوئے کیس کی سماعت غیر معینہ مدت کے لیے ملتوی کر دی۔
قرآن پاک کی تعلیم لازمی قرار دینے کے معاملے پر صوبوں سے جواب طلب ، کیس کی سماعت غیر معینہ مدت کے لیے ملتوی
1
