خلا میں پھنسے ہوئے دونوں خلا باز زمین پر بحفاظت واپس پہنچ گئے

وا شنگٹن ( مانیٹرنگ ڈیسک)گزشتہ برس جون سے خلا میں پھنسے ہوئے دونوں خلا باز، 58 سالہ سنیتا ولیمز اور 62 سالہ بوچ ولمور، زمین پر بحفاظت واپس پہنچ گئے ہیں۔ دونوں خلا بازوں کا خلائی سفر بین الاقوامی خلائی اسٹیشن (آئی ایس ایس) کے دوران 8 دن کا تھا، لیکن اسٹار لائنر خلائی جہاز میں تکنیکی خرابی کی وجہ سے وہ گزشتہ ساڑھے 9 ماہ سے خلا میں پھنسے ہوئے تھے۔دونوں کو اسپیس ایکس کے کریو ڈریگن خلائی جہاز کے ذریعے ریسکیو کیا گیا۔ ناسا کے کریو-10 مشن کے تحت 4 خلا بازوں کو آئی ایس ایس بھیجا گیا، جن میں ناسا کے این میک کلین، نکول آئرس، جاپان کے تاکویا اونیشی اور روس کے کریل پیسکوف شامل تھے۔کریو-10 مشن کے تحت خلا میں پھنسی سنیتا ولیمز اور بوچ ولمور کو 286 دنوں کے بعد کامیابی سے زمین پر واپس لایا گیا، جہاں وہ اسپیس ایکس کے کیپسول میں فلوریڈا کے ساحل پر بحفاظت اترے۔