1
لاہور( اباسین خبر) امیر جماعت اسلامی حافظ نعیم الرحمان نے امریکا اور اسرائیل کی دہشت گردی کے خلاف جمعہ کو ملک گیر احتجاج کا اعلان کیا۔حافظ نعیم الرحمان نے کہا کہ امریکی سرپرستی میں فلسطین میں جاری اسرائیلی مظالم کے خلاف احتجاج کیا جائے گا۔ انہوں نے کہا کہ صہیونیوں نے غزہ میں تاریخ انسانی کی بدترین فسطائیت کی ہے، جہاں 48 ہزار فلسطینیوں، جن میں بڑی تعداد بچوں اور خواتین کی ہے، کو شہید کر دیا گیا۔انہوں نے مزید کہا کہ ہزاروں لوگ ملبے تلے دبے ہیں، زخمیوں کی تعداد لاکھوں میں ہے اور غزہ میں خوراک اور ادویات کا شدید بحران ہے۔ جمعہ کو احتجاج کے دوران ملک کے تمام چھوٹے بڑے شہروں میں ریلیاں نکالی جائیں گی۔امیر جماعت اسلامی نے تمام پاکستانیوں سے اپیل کی کہ وہ مظاہروں میں بھرپور شرکت کریں۔
