چہرے پر غیر معمولی سوجن،کیانیلم منیر نے سرجری کروالی؟

کراچی ( شوبز ڈیسک)پاکستان کی معروف اداکارہ نیلم منیر ان دنوں اپنے نئے ڈرامہ سیریل “مہشر” کی وجہ سے خبروں میں ہیں، تاہم ان کے نئے روپ نے سوشل میڈیا صارفین کی توجہ حاصل کر لی ہے۔ڈرامے کی کئی اقساط میں نیلم منیر کے چہرے پر غیر معمولی سوجن دیکھنے کو ملی ہے، جو کہ عموما کسی سرجری کے بعد ظاہر ہوتی ہے۔ ان کے چہرے میں یہ تبدیلی وزن نہ بڑھنے کے باوجود کافی واضح ہے، جس نے افواہوں کو جنم دیا کہ شاید اداکارہ نے حال ہی میں کسی قسم کی سرجری کروائی ہو۔سوشل میڈیا پر نیلم منیر کی تصاویر پر تبصرے کرتے ہوئے کئی صارفین کا کہنا ہے کہ اداکارہ نے بوٹاکس فلرز یا کسی اور کاسمیٹک طریقہ کار کا استعمال کیا ہے جس کی وجہ سے ان کے چہرے میں نمایاں تبدیلی آئی ہے۔نیلم منیر کے کئی مداح اس تبدیلی سے حیران اور ناخوش ہیں، کیونکہ ان کے مطابق نیلم کی عمر صرف 32 سال ہے اور انہیں کسی قسم کی سرجری کی ضرورت نہیں تھی۔ تاہم سوشل میڈیا پر لوگ مختلف تبصرے کر رہے ہیں اور اس تبدیلی کی وجہ کو لے کر سوالات اٹھا رہے ہیں۔اب تک نیلم منیر نے ان افواہوں پر کوئی واضح ردعمل نہیں دیا ہے، لیکن ان کا نیا روپ “مہشر” ڈرامے میں مداحوں کے درمیان بحث کا موضوع بن چکا ہے۔