پشاور: نیب کا درخواست گزار کا ٹرنسفر آرڈر معطل

پشاور( اباسین خبر)پشاور ہائی کورٹ نے نیب کی جانب سے 4 فروری کو درخواست گزار کے تبادلے کا آرڈر معطل کر دیا ہے۔ عدالتِ عالیہ میں ڈائریکٹر انویسٹی گیشن نیب خیبر پختون خوا کی درخواست پر سماعت ہوئی، جہاں درخواست گزار کے وکیل نے موقف اپنایا کہ گزشتہ سماعت پر عدالت نے نیب کو درخواست گزار کے خلاف کارروائی سے روکا تھا۔وکیل نے بتایا کہ اس کے باوجود نیب نے 4 فروری کو درخواست گزار کا تبادلہ کیا اور مزید 2 انکوائریاں بھی شروع کیں۔ عدالتِ عالیہ نے اس پر چیئرمین نیب اور ڈی جی نیب خیبر پختون خوا سے جواب طلب کرتے ہوئے دوبارہ نوٹس جاری کر دیا ہے۔واضح رہے کہ ڈائریکٹر نیب پر مویشیوں کو اپنے اثاثوں میں ظاہر نہ کرنے کا الزام ہے۔