ٹرمپ کی زیلنسکی سے شدید تلخ کلامی، یوکرینی صدر کو وائٹ ہاؤس سے چلتا کر دیا

واشنگٹن(مانیٹرنگ ڈیسک)امریکی صدر ڈونلڈ ٹرمپ اور یوکرینی صدر زیلنسکی کے درمیان تلخ کلامی ہوئی۔وائٹ ہاس میں دونوں رہنماں کی ملاقات کے دوران تنازعہ پیدا ہوگیا۔ اس دوران امریکی نائب صدر جے ڈی وینس بھی موجود تھے۔یوکرینی صدر نے امریکی نائب صدر پر برہمی کا اظہار کرتے ہوئے کہا کہ “آپ چیخیں مت”۔ جس پر ٹرمپ نے جواب دیا کہ “جے ڈی وینس چیخ نہیں رہے، بات کر رہے ہیں۔”ڈونلڈ ٹرمپ نے زیلنسکی کو تنقید کا نشانہ بناتے ہوئے کہا کہ “آپ تیسری جنگ عظیم پر جوا کھیل رہے ہیں، آپ کی وجہ سے روس کے ساتھ جنگ نہیں رک رہی۔”زیلنسکی نے امریکہ سے سکیورٹی گارنٹی کے ساتھ معدنیات کے معاہدے کی درخواست کی، جس پر ٹرمپ نے کہا کہ “یوکرین کی سکیورٹی یورپ کی ذمہ داری ہے، نہ کہ امریکہ کی۔”تلخ کلامی کے بعد دونوں رہنماں کی مشترکہ نیوز کانفرنس اور معدنیات کے معاہدے کی تقریب منسوخ کردی گئی۔ اس تنازعے کے بعد یوکرینی صدر وائٹ ہاس سے روانہ ہوگئے۔