خیبرپختونخوا حکومت کی ایک سالہ کارکردگی کی رپورٹ جاری

پشاور( اباسین خبر)خیبرپختونخوا حکومت نے گزشتہ سال کی کارکردگی رپورٹ جاری کر دی، جس میں 25 مختلف سیکٹرز میں کامیابیوں کا ذکر کیا گیا ہے۔رپورٹ کے مطابق، ایک سال کے دوران 25 کابینہ اجلاس منعقد ہوئے، جن میں 232 پالیسیوں سے متعلق فیصلے کیے گئے۔ گزشتہ سال کے دوران 78 ارب روپے کے پرانے بقایاجات ادا کیے گئے، اور معاشی خودمختاری کے لیے 70 ارب روپے کے ڈیبٹ مینجمنٹ فنڈ کا قیام عمل میں لایا گیا۔کارکردگی رپورٹ میں بتایا گیا کہ فوڈ سکیورٹی پر 28 ارب روپے خرچ کیے گئے، ایک لاکھ 30 ہزار شہریوں کو مفت سولر سسٹم فراہم کرنے کا منصوبہ شروع کیا گیا، اور بلین ٹری پلس سونامی منصوبے کے تحت 12 فیصد جنگلات میں اضافہ متوقع ہے۔رپورٹ میں مزید کہا گیا کہ رواں سال کے لیے 100 ارب سرپلس بجٹ حاصل کرنے کا ہدف رکھا گیا ہے، جبکہ گزشتہ سال معدنیات کی رائلٹی 200 فیصد بڑھ گئی ہے۔ خیبرپختونخوا حکومت کے اپنے وسائل سے 100 ارب روپے کی آمدن آئندہ سال میں متوقع ہے۔ اس کے علاوہ، 20 ارب روپے کی لاگت سے گندم خریدی گئی اور بی آر ٹی کو 3 ارب روپے کی سبسڈی دی گئی۔