اسلام آباد( اباسین خبر)پاکستان بیت المال نے رمضان المبارک میں 50 لاکھ افطار باکسز تقسیم کرنے کا اعلان کر دیا۔پاکستان بیت المال وزیراعظم کے خصوصی اقدام کے تحت اپنی سب سے بڑی امدادی مہم کے دوران رمضان میں ملک بھر میں افطار باکسز تقسیم کرے گا۔منیجنگ ڈائریکٹر پاکستان بیت المال سینیٹر کیپٹن (ر) شاہین خالد بٹ نے ایک انٹرویو میں کہا کہ وزیراعظم کے خصوصی اقدام کے تحت اس مہم میں ملک کے پسماندہ اور غریب طبقے کو پاکستان بیت المال ضلع کی سطح پر تیار کھانے کے پیکٹ فراہم کرے گا۔انہوں نے کہا کہ بیت المال مساجد، یتیم خانوں، خواتین کو بااختیار بنانے کے مراکز، سکولوں اور دیگر نامزد مقامات پر کھانے کی تقسیم کرے گا۔ اس کے علاوہ، 33 موبائل ٹرک دور دراز علاقوں تک پہنچنے کے لیے مختلف راستوں پر کام کریں گے۔شاہین خالد بٹ نے مزید کہا کہ بیت المال کے پاس ضلعی سطح پر ایک وسیع انفراسٹرکچر موجود ہے اور میری ٹیم نے بروقت اور شفاف ترسیل کو یقینی بنانے کے لیے اس مہم کو باضابطہ طور پر ترتیب دیا ہے اور میں خود اس کی نگرانی کر رہا ہوں۔
پاکستان بیت المال کا رمضان میں 50 لاکھ افطار باکسز تقسیم کرنے کا اعلان
1
