کراچی: گاڑی کے کالےشیشے اتارنے پر خاتون کی پولیس اہلکار سے تلخ کلامی کی ویڈیو وائرل

کراچی ( اباسین خبر)کراچی کے علاقے ڈیفنس میں پولیس ناکے پر چیکنگ کے دوران خاتون کی گاڑی کے کالے شیشے اتارنے پر پولیس اہلکار سے تلخ کلامی کی ویڈیو سوشل میڈیا پر وائرل ہوگئی۔ ویڈیو میں خاتون کو یہ کہتے سنا گیا کہ “کالے شیشے کیوں اتارے جا رہے ہیں، میں نے پولیس کو خریدا ہوا ہے، ایک سال سے کالے شیشے والی گاڑی چلا رہی ہوں، تم سب بکے ہوئے ہو، درخشاں اور ساحل تھانے والوں سے پوچھو۔”پولیس نے خاتون کی گاڑی کے کالے شیشے اتار دیے اور ریکارڈ کے مطابق خاتون کی گاڑی شیربہادر خان کے نام پر رجسٹرڈ ہے، جس کا پتا شادمان نارتھ ناظم آباد درج ہے۔خاتون کے رویے اور پولیس کو دھمکیاں دینے کا جائزہ لیا جا رہا ہے، اور حکام بالا کے حکم پر مقدمہ درج کرنے پر غور کیا جائے گا۔