ایس آئی ایف سی کی معاونت سے پاک امارات تجارتی تعلقات کا فروغ

اسلام آباد ( کامرس ڈیسک)ایس آئی ایف سی کی معاونت سے پاکستان اور متحدہ عرب امارات کے درمیان دوطرفہ تجارتی تعلقات کو فروغ مل رہا ہے، جس سے پاکستان کی معیشت میں بہتری کے امکانات بڑھ گئے ہیں۔ ایس آئی ایف سی ملک کی معاشی صورتحال کو مستحکم کرنے کے لیے سرگرم عمل ہے، اور اس کی کوششوں سے مختلف ممالک کے ساتھ سرمایہ کاری کی راہیں ہموار ہو رہی ہیں۔پاکستان اور متحدہ عرب امارات کے درمیان مفاہمتی یادداشتوں پر دستخط ہوئے ہیں اور دوطرفہ تعاون کو بڑھانے پر اتفاق کیا گیا ہے۔ اس موقع پر متحدہ عرب امارات نے بینکاری، کان کنی، ریلویز اور انفراسٹرکچر سمیت مختلف شعبوں میں سرمایہ کاری کے لیے دلچسپی کا اظہار کیا۔پاکستان ریلویز اور متحدہ عرب امارات کی اتحاد ریل کے درمیان ہونے والے معاہدے کے باعث ریلوے نیٹ ورک کی بہتری کی توقع کی جا رہی ہے۔ اس کے علاوہ، متحدہ عرب امارات کے ساتھ اقتصادی تعلقات میں بہتری سے پاکستان معاشی استحکام کی جانب گامزن ہے۔ان اقدامات کے نتیجے میں پاکستان کی اقتصادی ترقی، سرمایہ کاری میں اضافہ، اور بنیادی ڈھانچے کی بہتری کی راہیں ہموار ہوں گی۔ پاکستان اور متحدہ عرب امارات کی سٹریٹجک شراکت داری تجارت، سرمایہ کاری، اور توانائی کے شعبے میں تعاون کو بڑھا کر دونوں ممالک کے تعلقات کو مستحکم کرے گی۔ایس آئی ایف سی کی معاونت سے متحدہ عرب امارات کے ساتھ اقتصادی تعلقات کی مضبوطی پاکستان کی معیشت کو مستحکم کرنے میں اہم کردار ادا کرے گی۔