کراچی: کار کی ٹکر سے موٹرسائیکل رائیڈر جاں بحق

کراچی ( اباسین خبر)کراچی کے علاقے ڈیفنس فیز 6 میں پیش آنے والے ٹریفک حادثے میں ایک موٹر سائیکل سوار جاں بحق جبکہ دوسرا نوجوان زخمی ہوگیا۔ حادثہ درخشاں تھانے کے علاقے شاہین محافظ کراسنگ کے قریب پیش آیا۔جاں بحق ہونے والے شخص کی شناخت 35 سالہ راو محمد اخلاق ولد راو مشتاق کے طور پر کی گئی، جبکہ زخمی کی شناخت 25 سالہ محمد وقاص کے نام سے ہوئی ہے۔ دونوں نوجوان ملیر کے رہائشی تھے۔پولیس حکام کے مطابق زخمی محمد وقاص نے آن لائن موٹر سائیکل بک کروا کر ڈیفنس میں سفر کیا تھا، جہاں تیز رفتار نامعلوم گاڑی نے ان کی موٹر سائیکل کو ٹکر مار دی۔ حادثے کے فورا بعد نامعلوم گاڑی کا ڈرائیور موقع سے فرار ہوگیا، جس کی تلاش کے لیے پولیس نے کارروائی شروع کر دی ہے۔