4
لاہور( اباسین خبر)سابق رکن قومی اسمبلی عالیہ حمزہ ملک کو پی ٹی آئی پنجاب کا چیف آرگنائزر مقرر کر دیا گیا۔ذرائع کے مطابق، بانی تحریک انصاف عمران خان کی ہدایت پر چیئرمین بیرسٹر گوہر نے عالیہ حمزہ ملک کی تقرری کا نوٹیفکیشن جاری کیا۔یاد رہے کہ حال ہی میں وزیراعلی خیبرپختونخوا علی امین گنڈاپور سے صدر پی ٹی آئی خیبرپختونخوا کا عہدہ لے کر جنید اکبر کو صدر مقرر کیا گیا تھا۔مبصرین کا کہنا ہے کہ پی ٹی آئی کی تشکیل نو کا عمل جاری ہے اور اہم عہدوں پر مزید تبدیلیاں متوقع ہیں۔
