حکومت نے پٹرولیم مصنوعات کی قیمتوں میں اضافہ کردیا

اسلام آباد( کامرس ڈیسک)حکومت نے پٹرولیم مصنوعات کی نئی قیمتوں کا اعلان کر دیا۔وزارت خزانہ کے نوٹیفکیشن کے مطابق پٹرول کی قیمت میں ایک روپیہ اور ہائی سپیڈ ڈیزل کی قیمت میں 7 روپے کا اضافہ کیا گیا ہے۔نئی قیمتوں کے مطابق پٹرول کی قیمت 257 روپے 13 پیسے فی لٹر جبکہ ہائی سپیڈ ڈیزل کی قیمت 267 روپے 95 پیسے فی لٹر ہو گئی ہے۔ یہ نئی قیمتیں رات 12 بجے سے نافذ ہوں گی۔یاد رہے کہ 15 جنوری کو بھی پٹرول کی قیمت میں 3 روپے 47 پیسے اور ہائی سپیڈ ڈیزل کی قیمت میں 2 روپے 61 پیسے کا اضافہ کیا گیا تھا۔