6
لاہور( سپورٹس ڈیسک)پاکستان میں اگلے ماہ شروع ہونے والی آئی سی سی چیمپئنز ٹرافی سے پہلے بھارتی کرکٹر ویرات کوہلی کو گردن کی تکلیف کا سامنا ہے۔ بھارتی میڈیا کے مطابق ویرات کوہلی، جو ڈومیسٹک کرکٹ میں واپسی کے لیے تیار تھے، رنجی ٹرافی کے ابتدائی میچز میں حصہ لینے میں مشکلات کا شکار ہیں۔ ان کی گردن میں کھچا پڑنے کی وجہ سے شدید درد ہوا ہے، جس کے علاج کے لیے انہوں نے انجیکشن بھی لگوایا۔یہ انجری اس وقت آئی ہے جب 23 جنوری کو رنجی ٹرافی کا آغاز ہونے جا رہا ہے، اور آئی سی سی چیمپئنز ٹرافی کی تیاریوں میں بھی ایک ماہ سے کم وقت باقی ہے۔ اس انجری کے باعث کوہلی کی رنجی ٹرافی کے ابتدائی میچز میں شرکت مشکوک ہو گئی ہے۔ اس انجری کے اثرات چیمپئنز ٹرافی پر بھی پڑ سکتے ہیں، جس کے لیے بھارتی کرکٹ ٹیم ان کی مکمل صحتیابی کی دعا کر رہی ہے۔
