عام کمپیوٹر کی جگہ اب اے آئی سپر کمپیوٹر استعمال ہونگے، سسٹم کب لانچ ہوگا؟ 

اینویڈیا ( مانیٹرنگ ڈیسک)اینویڈیا نے کنزیومر الیکٹرانک شو (CES) میں اعلان کیا کہ وہ مئی میں اپنا پرسنل اے آئی سپر کمپیوٹر “پروجیکٹ ڈیجیٹس” لانچ کر رہا ہے۔یہ کمپیوٹر، جو ایک نئی گریس بلیک ویل سپرچِپ پر مبنی ہے، اے آئی پروگراموں کے لیے اعلی پروسیسنگ پاور فراہم کرتا ہے اور اسے ڈیسک ٹاپ پر استعمال کیا جا سکتا ہے۔ اس کمپیوٹر میں 200 بلین پیرامیٹرز کو پروسیس کرنے کی صلاحیت ہے، اور اسے عام پاور کیبل سے چلایا جا سکتا ہے۔ اس کی ابتدائی قیمت 3,000 ڈالرز ہے۔اینویڈیا کے سی ای او جینسن ہوانگ کا کہنا ہے کہ اے آئی ہر صنعت اور ایپلیکیشن میں مرکزی کردار ادا کرے گا، اور یہ گریس بلیک ویل سپرچِپ لاکھوں ڈویلپرز کے لیے دستیاب ہوگی۔ انہوں نے یہ بھی کہا کہ ہر سائنسدان، اے آئی محقق اور طالب علم کے ڈیسک پر ایک اے آئی سپر کمپیوٹر کا ہونا انہیں اے آئی کو جدید دور کے تقاضوں کے مطابق ڈھالنے کا اختیار دے گا۔