اداکارہ اروشی روٹیلا کی وجہ سے کس سیاستدان کی طلاق ہو سکتی ہے؟ بڑا انکشاف

ممبئی ( شو بز ڈیسک)اروشی روٹیلا نے 2013 میں فلم “سنگھ صاحب دی گریٹ” سے اپنے کیریئر کا آغاز کیا اور جلد ہی اپنی خوبصورتی اور اداکاری کے باعث بالی ووڈ کی نامور اداکاراں میں شامل ہو گئیں۔اب اروشی روٹیلا کی فلم “ڈاکو مہاراج” کی ریلیز پر سوشل میڈیا پر بحث جاری ہے اور مداح اس کی ریلیز کا بے صبری سے انتظار کر رہے ہیں۔ایک حالیہ انٹرویو میں “ڈاکو مہاراج” کے پروڈیوسر ناگا وامسی نے اداکار و سیاستدان ننداموری بالاکرشنا سے اداکارہ اروشی روٹیلا کے کام کے بارے میں سوال کیا، تو ننداموری بالاکرشنا نے مزاحیہ انداز میں جواب دیا، “اگر میں نے اروشی روٹیلا کی تعریف میں کچھ کہا، تو میری بیوی مجھے طلاق دے دے گی۔” یہ جواب نہ صرف ننداموری بالاکرشنا کی مزاحیہ طبیعت کو ظاہر کرتا ہے بلکہ فلم کے حوالے سے ان کی ہنسی مذاق میں بھرپور شرکت بھی دکھاتا ہے۔”ڈاکو مہاراج” ایک بھاری بجٹ کی فلم ہے جس کا مداحوں میں جوش و خروش پایا جا رہا ہے، اور یہ فلم 12 جنوری 2025 کو سینما گھروں میں ریلیز ہونے کی توقع ہے۔ اس فلم کے حوالے سے بڑھتی ہوئی دلچسپی اور اس کے کرداروں کی پرفارمنس کی باتیں ابھی سے شروع ہو چکی ہیں، جس سے اس کی ریلیز کا انتظار مزید دلچسپ ہو گیا ہے۔