کراچی ( اباسین خبر)منگھوپیر غریب آباد کے علاقے میں ایک افسوسناک واقعہ پیش آیا، جہاں پانچ سالہ بچہ زیر زمین پانی کے ٹینک میں ڈوب کر جاں بحق ہوگیا۔تفصیلات کے مطابق، منگل کی صبح غریب آباد گوٹھ میں پانچ سالہ محمد ہادی ولد عبدالرزاق اپنے گھر کے صحن میں بنے پانی کے زیر زمین ٹینک میں گر کر ڈوب گیا۔ متوفی بچہ صبح سو کر اٹھا تھا اور اس کا پیر ٹینک کے کھلے ڈھکن پر پڑا، جس سے ڈھکن ہٹ گیا اور بچہ پانی میں گر گیا۔واقعے کی اطلاع ملنے پر پولیس موقع پر پہنچی اور شواہد اکٹھا کیے۔ ایس ایچ او منگھوپیر عمران خان کے مطابق، بچے کے اہلخانہ نے اسے بچانے کی کوشش کی، لیکن بچہ چند منٹوں میں ڈوب کر جاں بحق ہوگیا۔ایس ایچ او نے مزید بتایا کہ بچے کے اہلخانہ کسی قسم کی قانونی کارروائی نہیں کروانا چاہتے ہیں۔ متوفی کی لاش ایدھی ایمبولینس کے ذریعے عباسی شہید اسپتال منتقل کی گئی، جہاں اس کی شناخت کی گئی۔
کراچی؛ پانی کے زیر زمین ٹینک میں ڈوب کر 5سالہ بچہ جاں بحق
2
