کراچی: فل میراتھون میں پشاور کے اسرار خٹک فاتح قرار

کراچی( سپورٹس ڈیسک)کراچی میں ہونے والی فل میراتھون 42.195 کلومیٹر میں پشاور کے اسرار خٹک نے پہلی پوزیشن حاصل کی۔اسرار خٹک نے یہ فاصلہ دو گھنٹے 29 منٹ اور 58 سیکنڈز میں طے کیا۔ فل میراتھون میں بہاولپور کے محمد ریاض نے دوسری پوزیشن حاصل کی، جنہوں نے یہ فاصلہ دو گھنٹے 32 منٹ اور 10 سیکنڈز میں طے کیا۔دوسری جانب ہاف میراتھون 21.5 کلومیٹر میں ساہیوال کے محمد اختر نے پہلی پوزیشن حاصل کی۔ محمد اختر نے یہ فاصلہ ایک گھنٹہ 12 منٹ اور 8 سیکنڈز میں طے کیا۔ ہاف میراتھون میں سیالکوٹ کے محمد قاسم نے دوسری پوزیشن حاصل کی، جنہوں نے یہ فاصلہ ایک گھنٹہ 12 منٹ اور 53 سیکنڈز میں طے کیا، جبکہ اٹک کے محمد عثمان نے تیسری پوزیشن لی، جنہوں نے فاصلہ ایک گھنٹہ 14 منٹ اور 13 سیکنڈز میں طے کیا۔