یشما گِل کی بہن کی ڈھولکی میں ہانیہ عامر کے پُرجوش ڈانس کی ویڈیو وائرل

کراچی ( شو بز ڈیسک)پاکستان شوبز کی معروف اداکارہ ہانیہ عامر اور ساتھی اداکارہ یشما گل کی دھواں دار ڈانس ویڈیو سوشل میڈیا پر وائرل ہوگئی ہے۔ یہ ویڈیوز ہانیہ کی قریبی دوست اور ساتھی اداکارہ یشما گل کی بہن عروب گل کی ڈھولکی کی تقریب کی ہیں، جہاں ہانیہ نے یشما اور دیگر دوستوں کے ساتھ پرفارم کر کے محفل کو خوب رنگین بنا دیا۔ویڈیوز میں ہانیہ کا منفرد انداز اور اسٹیج پر ان کا شاندار رقص دیکھنے لائق تھا جس کی سوشل میڈیا پر خوب تعریف کی جارہی ہے۔ہانیہ عامر پاکستان کی صف اول کی اداکارہ ہیں، جنہوں نے کم وقت میں بے پناہ مقبولیت حاصل کی ہے۔ وہ نہ صرف پاکستان بلکہ دنیا بھر میں اپنی پرفارمنس کے لیے پسند کی جاتی ہیں۔ سوشل میڈیا پر ہانیہ عامر سب سے زیادہ فالو کی جانے والی پاکستانی اداکارہ ہیں۔