ممتاز زہرہ بلوچ  کو فرانس میں پاکستان کا سفیر مقرر کردیا گیا

اسلام آباد( اباسین خبر)پاکستان نے ممتاز زہرہ بلوچ کو فرانس میں اپنا سفیر مقرر کردیا ہے۔ دفتر خارجہ کی سابق ترجمان کو اس اہم عہدے پر تعینات کیا گیا ہے۔ نائب وزیراعظم اور وزیر خارجہ اسحاق ڈار نے اسلام آباد میں میڈیا بریفنگ کے دوران اس تقرری کا اعلان کیا۔ممتاز زہرہ بلوچ کی تقرری کا نوٹیفکیشن بھی جاری کردیا گیا ہے۔دوسری جانب، سینئر سفارتکار شفقت علی خان کو دفتر خارجہ کا نیا ترجمان مقرر کیا گیا ہے۔ ان کی تعیناتی کا نوٹیفکیشن گزشتہ روز جاری کیا گیا۔ رپورٹ کے مطابق، شفقت علی خان ایڈیشنل سیکرٹری خارجہ برائے یورپ تھے اور وہ اس سے قبل روس اور پولینڈ میں پاکستانی سفیر کے طور پر کام کرچکے ہیں۔