ملک میں جاری دھند سے پی آئی اے کا فضائی آپریشن متاثر

لاہور( اباسین خبر)ترجمان پی آئی اے کے مطابق، لاہور، فیصل آباد، ملتان اور سیالکوٹ کی پروازیں دھند کے باعث متاثر ہو رہی ہیں۔ مسافروں سے درخواست کی گئی ہے کہ وہ پرواز کی بکنگ کے وقت ائیرلائن کے ساتھ رابطے کے لیے درست اور فعال نمبر فراہم کریں۔ترجمان نے مزید کہا کہ پی آئی اے اپنے فضائی آپریشن کی حفاظت کو اولین ترجیح سمجھتا ہے۔ دھند کے باعث اگر پروازوں میں تاخیر ہو، تو مسافروں سے درخواست ہے کہ وہ طیارے اور زمینی عملے کے ساتھ تعاون کریں، کیونکہ عدم تعاون پرواز کی روانگی میں مزید تاخیر کا باعث بن سکتا ہے۔ مسافر پی آئی اے کے کال سینٹر یا ویب سائٹ سے بروقت معلومات حاصل کر سکتے ہیں۔