آج کوئٹہ، چمن، زیارت اور پشین میں ہلکی بارش کا امکان

کو ئٹہ ( اباسین خبر)آج کوئٹہ، چمن، زیارت، پشین، چاغی اور قلعہ عبداللہ میں ہلکی بارش اور پہاڑوں پر برف باری کا امکان ہے۔ محکمہ موسمیات کے مطابق پہاڑی علاقوں میں شدید سردی کی لہر جاری رہنے کی توقع ہے۔گزشتہ 24 گھنٹوں کے دوران اسکردو اور استور میں سب سے کم درجہ حرارت منفی 11 ڈگری سینٹی گریڈ ریکارڈ کیا گیا۔ دیگر شہروں میں درجہ حرارت اس طرح ریکارڈ کیا گیا: گلگت، قلات منفی 05، کوئٹہ منفی 2، اسلام آباد 1، پشاور اور مظفر آباد 2، ملتان، بہاولپور، سکھر، بنوں 5، لاہور، نوابشاہ، جموں 7 اور کراچی میں 12 ڈگری سینٹی گریڈ۔