18
دہلی( سپورٹس ڈیسک)بھارت کی ویمنز ٹیم کی بیٹر سمرتی ماندھانا نے ورلڈ ریکارڈ بنا دیا۔غیر ملکی میڈیا کے مطابق گزشتہ روز آسٹریلیا کے خلاف کھیلے گئے تیسرے ون ڈے میچ میں سمرتی ماندھانا نے سنچری سکور کی۔ یہ سنچری بھارت کو میچ تو نہ جتوا سکی لیکن بھارتی بیٹر نے ریکارڈ بک میں اپنا نام درج کرا لیا۔سمرتی ماندھانا نے میچ میں 105 رنز سکور کیے، اور یہ اس سال ون ڈے فارمیٹ میں ان کی چوتھی سنچری تھی، جس کے باعث انہوں نے ریکارڈ بک میں اپنا نام شامل کرایا۔ اس سے قبل سات ویمن کرکٹرز ایک سال میں تین سنچریاں بنا چکی ہیں۔ سمرتی ماندھانا کی ون ڈے انٹرنیشنل میں مجموعی سنچریوں کی تعداد اب نو ہو گئی ہے۔
