چیٹ جی پی ٹی نے کچھ صارفین کے لیے کام کرنا بند کر دیا، سروس کی خرابی کی وجوہات بارے اہم انکشاف

کیلیفورنیا( مانیٹرنگ ڈیسک)غیر ملکی خبر رساں ادارے کے مطابق، اوپن اے آئی کا مشہور چیٹ بوٹ چیٹ جی پی ٹی کچھ صارفین کے لیے کام کرنا بند کر گیا ہے۔ صارفین جب سوالات پوچھتے ہیں تو سسٹم سمتھنگ وینٹ رانگ کی وارننگ ظاہر کر رہا ہے، اور پیج ریفریش کرنے کے باوجود کوئی فرق نہیں پڑتا۔یہ مسئلہ اوپن اے آئی کے چیف ایگزیکٹیو کی جانب سے حالیہ انتباہ کے بعد پیدا ہوا۔ انہوں نے اس بات کا عندیہ دیا تھا کہ نئے تصویر بنانے والے ٹولز میں دلچسپی کی وجہ سے موجودہ پروڈکٹس اور نئی ریلیز میں مسائل کا سامنا ہو سکتا ہے۔انہوں نے ایکس پر پوسٹ کرتے ہوئے بتایا کہ “ہم چیزوں کو قابو میں لے رہے ہیں لیکن آپ کو نئی ریلیز میں تاخیر، پروڈکٹس کی خرابی اور کبھی کبھار سروس کے سست ہونے کی توقع رکھنی چاہیے کیونکہ کمپنی چیلنجز سے نمٹ رہی ہے۔