3
کراچی ( اباسین خبر)ایم کیو ایم پاکستان کے رہنما فاروق ستار نے کہا ہے کہ سندھ حکومت کی کارکردگی کچھ نہیں ہے۔ کراچی میں پریس کانفرنس کرتے ہوئے فاروق ستار نے کہا کہ یہ کہا جا رہا ہے کہ پیسے یا پلاٹ جان کا بدلہ نہیں لے سکتے، مگر سوال یہ ہے کہ کتنے ملزمان گرفتار ہوئے اور کتنے مقدمات درج کیے گئے؟انہوں نے مزید کہا کہ گزشتہ 2 سال سے میئر کراچی کی نشست پر قبضہ ہے اور پیپلز پارٹی کی سندھ میں 16 سال سے حکومت ہے، لیکن ان کی کارکردگی کیا ہے؟فاروق ستار نے کہا کہ بیان بازی کے ذریعے مجھے یا گورنر سندھ کو مت الجھایا جائے، گورنر سندھ نے یوسف گوٹھ جا کر متاثرین کے زخموں پر مرہم رکھا اور لوگ گورنر کو امید کی واحد کرن سمجھ رہے ہیں۔
