طارق فاطمی امریکہ میں سر گرم ، اہم رہنمائوں سے ملاقاتین،پاکستانی پالیسوں بارے تبادلہ خیال

واشنگٹن ( مانیٹرنگ ڈیسک)وزیراعظم پاکستان کے معاون خصوصی برائے امور خارجہ طارق فاطمی نے امریکا میں امریکی کانگریس کے اہم رہنمائوں سے ملاقاتیں کی ہیں۔ طارق فاطمی نے امریکی کانگریس کی امور خارجہ کمیٹی کے چیئرمین برائن ماسٹ، جنوبی و سنٹرل ایشیا کی ذیلی کمیٹی کے رینکنگ ممبر سڈنی کام لاگر ڈو، اور پاکستان کاکس کے شریک چیئرمین جیک برگ مین اور ٹام سوازی سے ملاقات کی۔ملاقاتوں میں پاک امریکا تعلقات، دوطرفہ تعاون اور معاشی تعلقات پر تفصیلی گفتگو کی گئی۔ طارق فاطمی نے امریکی رہنمائوں کو پاکستان کی حکومتی پالیسیوں اور معاشی ترجیحات سے آگاہ کیا اور کہا کہ پاکستان پاک امریکا تعلقات میں مزید وسعت اور خصوصا معاشی تعلقات کے فروغ کا خواہاں ہے۔ انہوں نے دوطرفہ تجارت اور سرمایہ کاری کے فروغ کو پاکستان کی اولین ترجیحات میں شامل قرار دیا۔ملاقاتوں میں علاقائی اور بین الاقوامی معاملات پر بھی تبادلہ خیال کیا گیا، جس سے دونوں ممالک کے درمیان تعلقات کی مزید تقویت کی توقع ظاہر کی گئی۔