جعفر ایکسپریس حملے کے شہدا کے جسد خاکی آبائی علاقوں کو روانہ

کو ئٹہ ( اباسین خبر)جعفر ایکسپریس حملے میں شہید ہونے والے چار جوانوں کے جسد خاکی اسلام آباد سے ان کے آبائی علاقوں کو روانہ کر دیے گئے۔ شہدا میں محمد ممتاز کا تعلق مانسہرہ، روزے علی کا تعلق اسکردو، محمد عثمان کا تعلق اٹک اور محمد امتیاز کا تعلق سیالکوٹ سے تھا۔ڈی جی انٹر سروسز پبلک ریلیشنز (آئی ایس پی آر) لیفٹیننٹ جنرل احمد شریف کے مطابق، جعفر ایکسپریس پر حملہ کرنے والے تمام 33 دہشت گردوں کو کارروائی کے دوران مارا گیا۔ انہوں نے بتایا کہ ایف سی کے چار جوان بھی اس کارروائی کے دوران شہید ہوئے۔ڈی جی آئی ایس پی آر نے مزید بتایا کہ 11 مارچ کو بولان میں دہشت گردوں نے ریلوے ٹریک کو نشانہ بنایا تھا، جس کے نتیجے میں جعفر ایکسپریس کو روکا گیا۔