6
واشنگٹن( مانیٹرنگ ڈیسک)امریکا نے غزہ میں جنگ بندی کی مدت میں توسیع سے متعلق نئی تجویز پیش کی ہے۔ تجویز کے مطابق، 5 اسرائیلی یرغمالیوں کی رہائی کے بدلے جنگ بندی کو کئی ہفتوں تک بڑھایا جائے گا۔ اسرائیل نے اس تجویز پر مثبت جواب دیا ہے، تاہم حماس کی جانب سے تاحال کوئی ردعمل سامنے نہیں آیا۔اسرائیل کی جانب سے جنگ بندی معاہدے کی مسلسل خلاف ورزیاں جاری ہیں، اور حال ہی میں غزہ میں فلسطینی سکیورٹی فورسز نے اسرائیلی جاسوسی آلات قبضے میں لے لیے ہیں۔ یہ چھوٹے جاسوسی آلات اسرائیلی یرغمالیوں کو تلاش کرنے کے لیے رکھے گئے تھے۔فلسطینی حکام نے غزہ کے شہریوں کو گھروں، خیموں اور دیگر مقامات پر نظر رکھنے کی ہدایت دی ہے، اور مشکوک آلات دیکھنے پر اطلاع دینے کی درخواست کی ہے۔
