ٹرمپ انتظامیہ کی نئی سفری پابندیوں پر غور، 41 ممالک کی فہرست سامنے آگئی

وا شنگٹن ( مانیٹرنگ ڈیسک)امریکی میڈیا کے مطابق ٹرمپ انتظامیہ نے مختلف ممالک کے شہریوں پر نئی سفری پابندیاں عائد کرنے پر غور شروع کر دیا ہے۔ ان پابندیوں کا شکار ہونے والے 41 ممالک کی فہرست بھی سامنے آئی ہے، جنہیں تین گروپوں میں تقسیم کیا گیا ہے۔پہلے گروپ میں افغانستان، ایران، شام، کیوبا اور شمالی کوریا سمیت متعدد ممالک شامل ہیں، اور ان پر مکمل سفری پابندیاں عائد کی جائیں گی۔ دوسرے گروپ میں اریٹریا، ہیٹی، لاس، میانمار اور جنوبی سوڈان شامل ہیں، جہاں کے سیاحتی اور سٹوڈنٹس ویزے معطل کر دیے جائیں گے، تاہم ان ممالک کے کاروباری مسافروں کو کچھ شرائط کے ساتھ امریکا میں داخلے کی اجازت دی جا سکتی ہے۔تیسرے گروپ میں بیلاروس، پاکستان اور ترکمانستان سمیت 26 ممالک شامل ہیں، جنہیں 60 دن کے اندر نظام میں بہتری لانے کی تنبیہ کی جائے گی، ورنہ ان ممالک کے لیے جزوی ویزا معطلی کا سامنا کرنا پڑے گا۔