پاکستان سٹاک ایکسچینج میں کاروبار کے مثبت آغاز کے بعد شدید مندی

کراچی ( کامرس ڈیسک)پاکستان سٹاک ایکسچینج میں کاروباری ہفتے کے آغاز پر اتار چڑھا کا سلسلہ جاری رہا۔ کاروبار کے آغاز میں سٹاک مارکیٹ میں مثبت رجحان دیکھنے کو ملا اور ہنڈرڈ انڈیکس 300 سے زائد پوائنٹس کے اضافے کے ساتھ ایک لاکھ 13 ہزار 591 پوائنٹس کی سطح تک پہنچ گیا۔ تاہم، بعد ازاں مارکیٹ ایک بار پھر منفی زون میں چلی گئی اور 1300 سے زائد پوائنٹس کی کمی کے ساتھ ہنڈرڈ انڈیکس ایک لاکھ 11 ہزار 857 پوائنٹس کی سطح پر آ گیا۔گزشتہ کاروباری ہفتے کے آخر میں پاکستان سٹاک ایکسچینج میں ہنڈرڈ انڈیکس 113,251 پوائنٹس کی سطح پر بند ہوا تھا۔رمضان المبارک میں سٹاک ایکسچینج کے اوقات ،دوسری جانب، رمضان المبارک کے دوران پاکستان سٹاک ایکسچینج کے دفتری اور کاروباری اوقات کا اعلان کر دیا گیا ہے۔ اعلامیے کے مطابق، رمضان میں سٹاک ایکسچینج کے دفتری اوقات پیر تا جمعرات صبح 9 بجے سے 3 بجے تک ہوں گے، جبکہ کاروباری اوقات صبح 9:17 سے 1:30 تک ہوں گے۔جمعے کو دفتری اوقات صبح 9 بجے سے 2 بجے تک ہوں گے، اور کاروباری اوقات 9:17 سے 12:30 تک ہوں گے۔