سیاروں کی پریڈ کی پہلی نایاب تصویر منظرِ عام پر

نیو یارک ( مانیٹرنگ ڈیسک)دنیا کے مشہور فلکیاتی فوٹوگرافر جوش ڈوری نے ایک نایاب فلکیاتی واقعے کی پہلی تصویر لی، جس میں انہوں نے زمین سمیت 7 سیاروں کو ایک ہی فریم میں قید کیا۔ یہ تصویر عظیم سیارہ جاتی پریڈ (Great Planetary Parade) کے دوران لی گئی، جس میں نظام شمسی کے تمام 8 سیارے ایک ساتھ قطار میں آتے ہیں۔ایک نایاب فلکیاتی لمحہ یہ شاندار نظارہ 22 فروری کو انگلینڈ کے مینڈپ ہلز (Mendip Hills) سے دیکھنے کو ملا۔ جوش ڈوری کی یہ تصویر تاریخی اہمیت کی حامل ہے کیونکہ 1982 کے بعد پہلی بار سیارے ایک ساتھ دکھائی دیے۔فلکیاتی تکنیک کا استعمال جوش ڈوری نے مرکری، سیٹرن اور نیپچون جیسے کم روشنی والے سیاروں کو کیمرے میں قید کرنے کے لیے ایک خاص پینورامک فوٹوگرافی تکنیک استعمال کی۔ انہوں نے متعدد تصاویر کو جوڑ کر ایک پینورامک امیج تیار کی، جس میں ان تینوں سیاروں کو شامل کیا جنہیں دیکھنا انتہائی مشکل تھا۔آنے والے فلکیاتی لمحے کی پیش گوئی آج غروب آفتاب کے بعد ایک اور شاندار فلکیاتی لمحہ آنے والا ہے جب تمام سیارے ایک ساتھ آسمان میں نظر آئیں گے۔ یہ منظر دنیا کے مختلف ممالک میں دیکھا جا سکے گا۔ اگلی بار تمام سیارے 2040 میں ایک ساتھ قطار میں آئیں گے۔