پاکستان میں امریکی اسلحہ دہشتگردی کیلئے استعمال ہو رہا ہے: ترجمان دفترِ خارجہ

اسلام آباد( اباسین خبر) ترجمان دفترِ خارجہ شفقت علی خان نے کہا ہے کہ افغانستان میں چھوڑے گئے جدید امریکی ہتھیار دہشت گردوں کے ہاتھ لگ چکے ہیں اور یہ ہتھیار پاکستان میں دہشت گردی کی کارروائیوں میں استعمال ہو رہے ہیں۔اسلام آباد میں بریفنگ کے دوران شفقت علی خان نے کہا کہ پاکستان اور امریکا کے درمیان دیرینہ اور اہم سفارتی تعلقات ہیں، جن کا ایک حصہ ایف 16 پروگرام ہے۔ انہوں نے امریکی فیصلے کو خوش آئند قرار دیتے ہوئے کہا کہ یہ تعلقات کے تناظر میں ایک مثبت قدم ہے۔سرحدی انتظامات اور افغان کوششیںشفقت علی خان نے مزید کہا کہ سرحدی معاملات میں مختلف ادارے کام کر رہے ہیں، اور طورخم سرحد پر افغان سائیڈ نے چیک پوسٹ قائم کرنے کی کوشش کی تھی۔ تاہم، سرحدی میکنزم کے تحت متعدد ادارے اس پر نظر رکھتے ہیں۔امریکا سے جلا وطن پاکستانیوں کی واپسی انہوں نے تصدیق کی کہ 8 پاکستانی امریکا سے جلا وطن ہو کر پاکستان واپس پہنچے ہیں، تاہم ان کی شناخت کے حوالے سے ایف آئی اے اور وزارتِ داخلہ ہی معلومات فراہم کر سکتے ہیں۔ ترجمان دفترِ خارجہ نے کہا کہ پاکستان امریکا سے جلا وطن پاکستانیوں کی واپسی میں سہولت فراہم کر رہا ہے۔