شعور آچکا، نوجوانوں نے ماردھاڑ ، جلاؤ گھیراؤ کی سیاست مسترد کردی: عظمیٰ بخاری

لاہور( اباسین خبر)صوبائی وزیر اطلاعات عظمی بخاری نے کہا ہے کہ اب نوجوانوں میں شعور آ چکا ہے اور انہوں نے ماردھاڑ اور جلا گھیرا کی سیاست کو مسترد کر دیا ہے۔اپنے ایک بیان میں وزیر اطلاعات پنجاب عظمی بخاری کا کہنا تھا کہ پنجاب حکومت نے ایک سال میں کامیابیوں کے ریکارڈ قائم کیے ہیں اور مریم نواز نے سیاست کو خدمت میں تبدیل کرکے نیا ٹرینڈ متعارف کرایا ہے۔ انہوں نے کہا کہ مریم نواز ایک طرف عوامی خدمت کے ریکارڈ قائم کر رہی ہیں، جبکہ دوسری طرف مخالفین زبان درازی کے ریکارڈ بنا رہے ہیں۔عظمی بخاری نے مزید کہا کہ 76 سالہ تاریخ میں کسی حکومت نے اتنے منصوبے نہیں شروع کیے جتنے مریم نواز نے ایک سال میں مکمل کیے ہیں۔ انہوں نے نوجوانوں کی ضروریات پر بات کرتے ہوئے کہا کہ نوجوانوں کو الیکٹرک بائیکس، سکالرشپس، لیپ ٹاپ اور آسان کاروبار کے لیے قرض چاہیے، نہ کہ پٹرول بم، غلیلیں اور کیلوں والے ڈنڈے۔وزیر اطلاعات کا یہ بھی کہنا تھا کہ نوجوانوں نے جلا گھیرا اور مار دھاڑ کی سیاست کو مسترد کر دیا ہے اور مریم نواز نوجوانوں کے لیے ایک امید اور آس بن کر آئی ہیں۔ انہوں نے کہا کہ ایک ماں ہمیشہ اپنے بچوں کو آگے بڑھتے اور ترقی کرتے دیکھنا چاہتی ہے، نہ کہ انہیں حوالات یا جیلوں میں دیکھنا چاہتی ہے۔