زندگی کو طویل بنانے کے پانچ سائنسی طور پر ثابت شدہ طریقے

کراچی( ہیلتھ ڈیسک) انسانی عمر پر اثر انداز ہونے والے عوامل میں طرزِ زندگی کا کردار بہت اہمیت رکھتا ہے۔ خوراک، ورزش، اور کم بیٹھنے کی عادتیں ہماری زندگی کے معیار اور عمر کو متاثر کرتی ہیں۔ یہ بات سچ ہے کہ اگر ہم ان عوامل کو اپنے فائدے کے لیے درست طریقے سے استعمال کریں تو نہ صرف اپنی زندگی کو طویل کر سکتے ہیں بلکہ بڑھاپے میں بھی اپنی صحت اور خوشی کو برقرار رکھ سکتے ہیں۔طرزِ زندگی کے انتخاباگرچہ جینیات بھی عمر کے دورانیے کو متاثر کرتی ہیں، سائنسی تحقیق یہ بتاتی ہے کہ ہمارا طرزِ زندگی ان جینیاتی عوامل پر اثر انداز ہو سکتا ہے۔ خاص طور پر ہماری خوراک اور ورزش کے انتخاب، ہمارے جسم کی صحت پر بڑا اثر ڈالتے ہیں۔ اس کا مطلب یہ ہے کہ ہم ان عوامل کو بہتر بنا کر اپنی زندگی کے معیار کو بڑھا سکتے ہیں۔صحت مند بڑھاپاجینیاتی عوامل کو ہم بدل نہیں سکتے، مگر ہم صحت مند بڑھاپے کے لیے عملی اقدامات ضرور کر سکتے ہیں۔ نیشنل انسٹی ٹیوٹ آن ایجنگ کی ہیلتھ سائنٹسٹ ڈاکٹر امانڈا بوائس کے مطابق، صحت مند بڑھاپا صرف عمر بڑھانے کے بجائے زیادہ اہمیت رکھتا ہے۔ ہمیں اس بات پر توجہ دینی چاہیے کہ ہم کس طرح اپنے بڑھاپے کو صحت مند اور خوشگوار بنا سکتے ہیں۔غذا کا انتخابطویل عمر کی بنیاد صحت مند غذا پر ہے، اور اس میں سب سے زیادہ مثر غذا وہ ہے جو کم عمر سے لے کر بڑھاپے تک ہماری صحت کو فائدہ پہنچاتی ہو۔ تحقیق سے یہ ثابت ہوا ہے کہ بحیرہ روم (Mediterranean) اور جاپانی غذا طویل عمر کے لیے بہترین ثابت ہوئی ہیں۔ ان دونوں غذاوں میں پروٹین کا اہم ذریعہ مچھلی ہے، جو دماغی طاقت اور دل کی صحت کے لیے مفید چکنائیوں سے بھرپور ہوتی ہے۔ اس کے علاوہ، یہ غذا تازہ سبزیوں اور خمیر شدہ کھانوں پر مشتمل ہوتی ہے اور پراسیس شدہ غذاوں اور چینی کے استعمال کو کم کرتی ہیں۔بہتر غذا کے انتخاب کے لیے سادہ تجاویزاگر آپ اپنی غذا میں ان اصولوں کو اپنانا چاہتے ہیں تو آپ کو احتیاط سے شروع کرنا چاہیے۔ غذائیت کی ماہر کرسٹن کرک پیٹرک کا کہنا ہے کہ آپ کو پہلے ایک جز پر توجہ دینی چاہیے اور اس کا انتخاب اپنی ذاتی ترجیحات کے مطابق کرنا چاہیے۔ مثال کے طور پر، اگر آپ دالیں پسند کرتے ہیں تو انہیں چاول کے بجائے سبزیوں کے ساتھ استعمال کریں۔ اگر مچھلی پسند نہیں ہے تو دوسرے پروٹین کے ذرائع جیسے مرغی یا دالوں کا انتخاب کریں۔اس طرح کی سادہ تبدیلیاں آپ کی زندگی کے معیار کو بہتر بنا سکتی ہیں اور طویل عمر کے لیے ایک قدم آگے بڑھا سکتی ہیں۔