2
کرم ( اباسین خبر)خیبر پختونخوا کے ضلع لوئر کرم میں فورسز نے دہشت گردوں کے خلاف گرینڈ آپریشن کیا۔ضلعی انتظامیہ کے مطابق اس کارروائی میں دہشت گردوں اور سہولت کاروں سمیت 85 افراد کو گرفتار کیا گیا، جبکہ پاراچنار جانے والی کانوائے سے لوٹا گیا سامان بھی برآمد کیا گیا۔حکام کا کہنا ہے کہ پشاور اور دیگر علاقوں سے بھی گرفتاریوں کا عمل جاری ہے، اور پانچ ماہ سے راستوں کی بندش کی وجہ سے پانچ لاکھ کی آبادی کا علاقہ محصور ہے۔دوسری جانب سماجی رہنماں نے بتایا کہ رمضان کے لیے لایا جانے والا سامان بگن مندوری میں لوٹا گیا۔ انہوں نے مطالبہ کیا کہ عوام کے لیے خوراک اور علاج کا بندوبست کیا جائے اور کانوائے کی لوٹ مار سے متاثر ہونے والے تاجروں کے نقصانات کا ازالہ کیا جائے۔
